गत साता प्रहरीले टोखाबाट सम्भवतः हालसम्मकै सबैभन्दा ठूलो परिणाममा विदेशी मुद्रा बरामद गर्यो । त्यो दिनको सटही दरअनुसार अमेरिकी डलर र यूरो गरी बरामद रकम नेपाली रुपैयाँमा २५ करोड २९ लाख ९ हजार ५ सय थियो ।
उपत्यकामा यति ठूलो परिणाममा शंकास्पद रुपमा विदेशी रकम बरामद भएपछि यसले धेरैको ध्यान तान्यो । प्रतिनिधिसभामा पनि सांसदहरूले प्रश्न उठाए । अझ करोडौं रकम लिएर जाँदै गरेका ना ७ ख १६७२ नम्बरको ट्रकका मालिक एवं चालक ‘फुच्चे’ भनिने कुसाङ लामाको पृष्ठभूमि जस्तो थियो, त्यसले झन् धेरै आशंकाहरू उब्जाए ।