भुवन कार्की
बुटवल, २३ चैत । नेपालमा जेन्जी बिद्रोहपछि बनेको नयाँ सरकारमा रुपन्देहीबाट प्रतिनिधित्व गर्ने एकजना मात्र मन्त्रीको नाम हो सुनिल लम्साल । लम्साल नेपाल सरकारको भौतिक पूर्वाधार, याताताय तथा सहरी विकास मन्त्री हुनुहुन्छ । हाल रुपन्देहीको तिलोत्तमा ७ भलवारी निवासी लम्सालको परिवार साविक स्याङ्जाको चिन्नेवास ३, हालको बिरुवा ६ स्याङ्जाबाट बसाइसरी वि.सं. २०५३ सालमा रुपन्देहीको भलवारी आएको हो । ३५ बर्षकै उमेरमा सुनिल लम्साल मन्त्री बनेपछि परिवारमा पनि निकै खुसीयाली छाएको छ । सुनिलकी आमा समाजसेवी जमुना लम्सालले सुनिल सानैदेखि लगनशील रहेको बताउनुभयो । लगानशीलताकै कारण अहिले मन्त्री बन्न सफल भएको उल्लेख गर्नुभयो ।
सानै उमेरमा इन्जीनीयर बन्नुभएका मन्त्री लम्साल हाल पीएचडी अध्ययनरत हुुनुहुन्छ । रास्ट्रिय स्वतन्त्र पार्टीको महामन्त्री समेत रहनुभएका सुनिलले मन्त्रालय सम्हालेको एकसाताभित्रै जनमुखी काम थाल्नुभएको छ । लम्सालले एक प्रेस बिज्ञप्ति जारी गर्दै कुनै पनि कार्यालयमा अनियमितिा र कमिशनको खेल भए आफूलाई खबर गर्न सार्वजनिक अपिल गर्नुभएको छ । सुनिल सानैदेखि मेहनति र संघर्षशील रहेको भन्दै मन्त्री भएपछि अब देशमा सुशासनको पक्षमा अझ धेरै काम गर्ने अपेक्षा जमूनाले लिनुभएको छ । छाेराे आफूले जन्माएकाे भएपनि अब राष्ट्रकै छाेराे बनेकाे उहाँको भनाइ छ ।
विद्यार्थी राजनीति गर्दै सुनिल मन्त्री भएपछि उहाँका बुवा बोधराज लम्साल पनि उत्तिकै सन्तुष्ट हुनुहुन्छ । फागुन २१ को चुनावमा बिसाल मतान्तरले सुनिल बिजयी भएकोमा निकै खुसी हुनुहुन्छ ।
छोरो मन्त्री भएपछि रुपन्देहीसहित समग्र देशको सुशासन, भ्रष्टाचार निवारण र दिगो विकासमा भूमिका खल्नेमा लम्साल परिवार आशाबादी बनेको छ ।
(बाँकी भिडियोमा)