भैतिक पूर्वाधार मन्त्रालयले भन्यो– ढिलासुस्ती र बिचौलियाको प्रभावमा नपर्नु

बुटवल, २० चैत । संघीय सरकारको भौतिक पूर्वाधार तथा यातायात मन्त्रालयले मन्त्रालय मातहका सबै निकायलाई सुशासनको पक्षमा दृढ भएर काम गर्न निर्देशन गरेको छ ।
भौतिक पूर्वाधार तथा यातायात मन्त्री सुनिल लम्सालको निर्देशनमा शुक्रबार मन्त्रालयले एक बिज्ञप्ति जारी गरेर मन्त्रालय मातहतका सबै निकायलाई सेवाग्राहीप्रति निष्ठावान भएर काम गर्न तथा ढिलासुस्ती, अनिमितता वा कुनै बिचौलियाको प्रभावमा नपरी काम गर्न निर्देशन गरिएको हो । सबै मातहतका निकायमा सेवाग्राहीलाई सरल, सहज रुपमा सेवा दिन र झन्झट तथा कुनै बिचौलियाबाट शुल्क असुली नगर्न, नगराउन पनि प्रेस विज्ञप्तिमा उल्लेख गरिएको छ । मन्त्री लम्सालले यसअघि पनि निर्माण ब्यवसायीसंग छलफल गरेर भौतिक निर्माणको काम गर्दा कुनै कर्मचारी वा विचौलियाले कमिशन माग सिधै आफूलाई खबर गर्न आग्रह गर्नुभएको थियो ।