नेकपाले बुटवलमा मनायो जनयुद्ध दिवस

बुटवल, १ फागुन। तत्कालीन नेकपा माओवादीले जनयुद्ध सुरु गरेको दिनलाई स्मरण गर्दै शुक्रबार  जनयुद्ध दिवस मनाईएको छ । जुन जनयुद्धको जगमा भएको जनआन्दोलनले जहाँनिया शाही शासनको अन्त्य भई नेपालमा संघीय लोकतान्त्रिक गणतन्त्रको स्थापना भयो । माओवादी घटक मात्र होईन परिवर्तन चाहने अग्रगामी सबैले जनयुद्धलाई एउटा महत्त्वपूर्ण दिनको रुपमा स्मरण गर्छन । निरङकुश शाही शासनको अन्त्य र जनसत्ता स्थापनाको उद्घोष गरेर सशस्त्र जनयुद्ध सुरु गरेको दिन ३१ बर्षमा प्रबेश गरेको छ ।
बुटवलमा दीप प्रज्वलन तथा सुभकामना आदानप्रदान गरि ३१ औं जनयुद्ध दिवस मनाइएको छ । नेपाली कम्युनिष्ट पार्टी रुपन्देही क्षेत्र न २ र वडा निर्वाचन कार्यालयले आयोजना गरेको कार्यक्रममा रुपन्देही क्षेत्र न.२ का उम्मेदवार तथा नेपाली कम्युनिष्ट पार्टीका केन्द्रिय सदस्य सुवास पाण्डे (विश्वदीप) ले उपलब्धिलाई रक्षा गर्न परिवर्तनकारी शक्तिको बिजय हुनुपर्ने बताउनुभयो । उहाँले रुपन्देही क्षेत्र न २का जनताको समस्याको बारेमा आफू जानकार रहेको बताउनु हुँदै त्यसको समाधानको लागि जनता संगै रहेर काम गर्ने बताउनु भयो ।
कार्यक्रममा केन्द्रिय सल्लाहकार निमानन्द गैरे, केन्द्रिय सदस्य राम परियार, प्रदेश समिति सदस्य दिपा बिक तुल्सी नेउपाने, प्रकास कुमाल लगायतले मन्तब्य व्यक्त गर्नु भयो । सो अवसरमा उम्मेदवार पाण्डेले बुटवल १-२को संयुक्त वडा स्तरीय चुनाव प्रचार कार्यालय उद्घाटन गर्नु भयो ।