तिलोत्तमा । असार २८ गते । बुटवलमा प्रदेश स्तरीय शैक्षिक सम्मेलन हुने भएको छ । काठमाण्डौं विश्वविद्यालय र प्याब्सन रुपन्देहीको संयुक्त आयोजनामा असार २८ गते शनिबार बुटवलमा शैक्षिक सम्मेलनको आयोजना गरिएको निजि तथा आवसिय विद्यालय अर्गनाइजेसन रुपन्देहीका अध्यक्ष दीपक खनालले जानकारी दिनुभयो । खनालले सम्मेलनमा ३०० बढी शिक्षक, प्रतिनिधी, खोजकर्ता, शिक्षाविद एवँ सरोकारवालाहरुको सहभागिता रहने बताउनुभयो ।
काठमाण्र्डौ विश्वविद्यालय स्कुल अफ एजुकेशनका डिन प्राध्यापक डा बालचन्द्र लुइटेलले कार्यक्रम भब्य रुपमा सञ्चालन हुने बताउनुभयाे । कार्यक्रमकाे उद्घाटन लुम्बिनी प्रदेशका भौतिक पुर्वाधार विकाशमन्त्री भुमिश्वर ढकालले गर्ने तय भएको प्याब्सन रुपन्देही सचिव चन्द्र अधिकारीले जानकारी दिनुभयो ।
कार्यक्रममा ५ वटा कार्यशाला र करिव २० वटा भन्दा बढी खोजपत्र पेश हुनेछन । र्शक्षिक क्षेत्रमा रुपान्तरणाचत्मक अभ्यासको विषयमा समुहगत छलफल चलाउने गरि कार्यक्रम तय गरिएको सचिव अधिकारीले बताउनुभयो ।