रुपन्देहीमा एउटै अस्पताल दुई पटक सिलान्यास

13

बुटवल, २० भदौ । रुपन्देहीको सियारी गाउँपालिकामा सात महिनाको अन्तरालमा एउटा अस्वताल दुई पटक शीलान्यास भएको छ । सात महिनाअघि गाउँपालिकाका तत्कालीन अध्यक्ष अयोध्या थारुले शीलान्यास गरेको १५ शैय्याको अस्पताल शनिबार गृहमन्त्री खांणले फेरि शीलान्यास गरेका गरे ।
‘एक पालिका, एक अस्पताल’ अवधारणा अनुसार तत्कालीन केपी शर्मा ओली नेतृत्वको सरकारले निर्माण सुरु गरेको अस्पताल सियारीमा दुई पटक शीलान्यास भएको हो । देशका हरेक पालिकामा १५ शैयाको अस्पताल बनाउने घोषणा गरे अनुसार गाउँपालिकाका तत्कालीन अध्यक्ष अयोध्या थारूले २०७८ माघ २३ गते सियारी–४ दयानगर छपियामा अस्पताल भवनको शिलान्यास गरेका थिए ।
गृहमन्त्री खाणले शनिबार सोही अस्पतालको शिलान्यास गरेपछि थारूले सत्ताको दुरूपयोग गर्दै निर्वाचनको मुखमा जनतामा भ्रम छर्ने काम गरेको भन्दै रोष प्रकट गरेका छन् । तत्कालिन गाउँपालिका अध्यक्ष थारूका अनुसार छपिया स्वास्थ्य चौकीलाई स्तरोन्नति गर्दै १५ शैयाको अस्पताल निर्माण गर्न माघ महिनामै २१ करोड ८० लाख ५० हजार २९५ रुपैयाँ लागत अनुमानमा टेण्डर आह्वान समेत गरिएको थियो ।
सोही टेन्डरअनुसार अस्पताल भवन निर्माणका लागि गत असार ८ गते निर्माण कम्पनी कालिगण्डकी रविना जेभिले १८ करोड १ लाख ७ हजार ४८४ रुपैयाँमा ठेक्का सम्झौता गरिसकेको छ । गाउँपालिकाका प्रमुख प्रशासकीय अधिकृत रोमनाथ न्यौपानेले गत माघ महिनामा ठेक्का सम्झौता नहुँदै शिलान्यास गरिएकोले अहिले ठेक्का सम्झौता भएपछि शनिबार शिलान्यास गरिएको बताए । उनका भनाईमा तत्कालीन गाउँपालिकाका अध्यक्षले शीलान्यास गर्दा ठेक्का आह्वान गरिएको भएपनि ठेक्का सम्झौता भइसकेको थिएन । अहिले ठेक्का सम्झाता भएपछि शीलान्यास गरिएको उनको भनाई छ । गृहमन्त्री यसअघि ५ वर्ष पहिले आफैले शिलान्यास गरेको तिलोत्तमा चक्रपथको पनि दोहो¥याएर शिलान्यास गरेका थिए ।
२०७३ असाज ८ गते रक्षामन्त्रीको हैसियतमा बुटवल र तिलोत्तमाको सीमा योगिकुटीलाई शुरूको बिन्दु मानेर चक्रपथको शिलान्यास गरेका खाणले स्थानीय तह निर्वाचनको मुखमा गत फागुन २१ गते ओमसतिया गाउँपालिकाको लखनथापा चोकलाई शुरुको बिन्दु मानेर दोस्रोपटक शिलान्यास गरेका थिए ।
आफैंले शिलान्यास गरेको सडक योजनाको काम सुरु नहुँदै चुनावको मुखमा दोहो¥याएर शिलान्यास गरिएको भन्दै गृहमन्त्री खाणको आलोचना भएको थियो ।